សេចក្តីណែនាំ

ដេប៉ាតឺម៉ង់វិទ្យាសាស្ត្រនយោបាយ ជាដេប៉ាតឺម៉ង់ដ៏សំខាន់មួយរបស់មហាវិទ្យាល័យនីតិសាស្រ្ត និងវិទ្យាសាស្រ្តនយោបាយ នៃសាកលវិទ្យាល័យអាស៊ី អឺរ៉ុប។ ដេប៉ាតឺម៉ង់នេះ មានដំណើរការភ្លាម បន្ទាប់ពីដាក់ឱ្យប្រើប្រាស់នូវកម្មវិធីសិក្សារបស់មហាវិទ្យាល័យទាំងមូលក្នុងឆ្នាំ២០១៦។ ភារកិច្ចចម្បងរបស់ដេតឺម៉ង់នេះ គឺផ្តល់នូវសេវាបណ្តុះបណ្តាលក្នុងវិស័យវិទ្យាសាស្ត្រនយោបាយនិងទំនាក់ទំនងអន្ដរជាតិដល់និសិ្សត មន្រ្តីរាជការ បុគ្គលិកក្រុមហ៊ុន និងអង្គការមិនមែនរដ្ឋាភិបាលជាដើម ដើម្បីឱ្យពួកគេមានសមត្ថភាព ទាំងផ្នែកទ្រឹស្តី ការវិភាគ និងការអនុវត្តប្រកបដោយវិជ្ជាជីវៈ។ គោលដៅចុងក្រោយ គឺរៀបចំមាគ៌ាឱ្យពួកគេក្លាយជាអ្នកវិទ្យាសាស្ត្រនយោបាយ និងអ្នកទំនាក់ទំនងអន្ដរជាតិដ៏ពូកែ    មន្ត្រីនយោបាយដ៏ចំណាន ព្រមទាំងអាជីពវិភាគផ្នែកនយោបាយទាំងបច្នុប្បន្នភាព និងអនាគតដោយប្រើចំណេះដឹង ជំនាញ វិទ្យាសាស្ត្រនយបាយ និងទំនាក់ទំនងអន្ដរជាតិជាមូលដ្ឋាន។

ដើម្បីសម្រេចនូវបេសកកម្មរបស់ខ្លួន ដេប៉ាតឺម៉ង់វិទ្យាសាស្ត្រនយបាយ​ បានសម្រិតសម្រាំងនូវសាស្រ្តាចារ្យ ដែលមានចំណេះដឹងជ្រៅជ្រះ ផ្នែកវិទ្យាសាស្ត្រនយោបាយ ទំនាក់ទំនងអន្ដរជាតិ និងសង្គម ដែលពួកគេទាំងនោះកំពុងប្រកបវិជ្ជាជីវៈ ជាសាស្រ្តាចារ្យអាជីពនៅតាមគ្រឹះស្ថានសិក្សាអប់រំ ជាមន្រ្តីរាជការសាធារណៈ កាន់មុខដំណែងសំខាន់ៗនៅក្នុងស្ថាប័នរដ្ឋ ក៏ដូចជាបុគ្គលិកជាន់ខ្ពស់ ដែលកំពុងបម្រើការនៅតាមក្រុមហ៊ុន និងអង្គការមិនមែនរដ្ឋាភិបាលផងដែរ។

កម្មវិធីសិក្សាដែលរៀបចំដោយដេប៉ាតឺម៉ង់វិទ្យាស្ត្រនយោបាយនេះ គឺផ្តើមចេញពីការមើលឃើញ នូវភាពចាំបាច់ និងតម្រូវការជាអាទិភាពនានា ក្នុងការចូលរួមអភិវឌ្ឍន៍សង្គមនីតិរដ្ឋ ប្រជាធិបតេយ្យ សិទ្ធិមនុស្ស និងសេដ្ឋកិច្ច ពឹងផ្អែកទៅលើចំណេះដឹង។ កិច្ចការដ៏សំខាន់នេះ គឺបានមកពីការចូលរួមរៀបចំដោយសាស្រ្តាចារ្យ ជំនាញ និងបុគ្គលិកជាន់ខ្ពស់ដែលមានបទពិសោធន៍ក្នុងការអភិវឌ្ឍន៍កម្មវិធីអប់រំ នៅថ្នាក់ឧត្តមសិក្សា ហើយត្រូវបានសម្រិតសម្រាំង និងធ្វើបច្ចុប្បន្នភាពជាប្រចាំ ដើម្បីស្របទៅតាមនិន្នាការតំបន់ និងអន្តរជាតិ។ ជំនាញដែលនិស្សិតទទួលបានពីកម្មវិធីអប់រំនេះ នឹងផ្តល់ឱ្យពួកគេនូវជំនាញផ្នែកវិទ្យាស្ត្រនយបាយនិងទំនាក់ទំនងអន្ដរជាតិយ៉ាងពិតប្រាកដ។

មុខជំនាញផ្សេងៗ

• នីតិសាធារណៈ
• រដ្ឋបាលសាធារណៈ
• វិទ្យាសាស្ត្រនយោបាយនិងទំនាក់ទំនងអន្តរជាតិ

មុខវិជ្ជាសិក្សា