សេចក្តីណែនាំ

១. សេចក្តីផ្តើម

អង្គភាពមួយទទួលបានជោគជ័យ និងមានប្រសិទ្ធភាពប្រកបដោយភាពទំនួលខុសត្រូវ ចាំបាច់តម្រូវឱ្យអ្នកគ្រប់គ្រងមានសមត្ថភាព និងចំណេះដឹងខាងជំនាញការគ្រប់គ្រងធនធានមនុស្ស តាមរយៈការវិភាគការងារ ការរៀបចំផែនការ របៀបគ្រប់គ្រង និងរបៀបកែលម្អរនៃការអនុវត្តគ្រប់ផ្នែកទាំងឡាយរបស់អង្គភាព។ ការសិក្សាជំនាញគ្រប់គ្រង មានចំណុចចាប់ផ្តើមល្អៗជាច្រើនសម្រាប់សិស្ស និស្សិត ត្រូវស្វែងយល់ពីអាជីព នៅក្នុងវិស័យនៃការគ្រប់គ្រងធនធានមនុស្ស ការគ្រប់គ្រងប្រតិបត្ដិការ និងការអភិវឌ្ឍស្ថាប័នផងដែរ។

ជំនាញការគ្រប់គ្រងធនធានមនុស្ស គឺជំនាញមួយ ដែលធ្វើឱ្យអ្នកសិក្សាបានយល់ដឹងពីរបៀបគ្រប់គ្រង និងវិភាគប្រកបដោយសុភវិនិច្ឆ័យពាក់ព័ន្ធទៅនឹង ការរៀបចំផែនការ ការរៀបចំរចនាសម្ព័ន្ធ ការត្រួតពិនិត្យ និងការដឹកនាំអង្គភាពណាមួយ។ វាបានផ្តល់នូវក្របខ័ណ្ឌសម្រាប់ការយល់ដឹងពីបញ្ហាពាក់ព័ន្ធទាំងការគ្រប់គ្រង និងទាំងការចាត់ចែង ហើយវានឹងជួយឱ្យពួកគេក្លាយទៅជាអ្នកចូលរួមចំណែកដ៏មានប្រសិទ្ធភាព សម្រាប់ដំណើរការការងារក្នុងអង្គភាព។ តាមរយៈកម្មវិធីសិក្សាក្នងជំនាញការគ្រប់គ្រងធនធានមនុស្ស យើងធ្វើការអភិវឌ្ឍ "ប្រព័ន្ធ" បង្ហាញនៃអង្គភាព ដែលមានន័យថា ពួកគេមានការត្រួតពិនិត្យអង្គភាព ក្នុងបរិបទណាមួយដោយមិនបានកំណត់ទៅលើ បរិស្ថាន យុទ្ធសាស្រ្ត រចនាសម្ព័ន្ធ វប្បធម៌ ភារកិច្ច មនុស្ស និងទិន្នផលនោះឡើយ។ ការសម្រេចចិត្តលើការគ្រប់គ្រង ដែលត្រូវបានធ្វើឡើងនៅក្នុងសិទ្ធិណាមួយ ក្នុងចំណោមដែនកំណត់នៃសិទ្ធិទាំងនោះ ដែលមានឥទ្ធិពលដល់ការសម្រេចចិត្តនៃការគ្រប់គ្រង។

២. គោលបំណង

កម្មវិធីអប់រំបរិញ្ញាបត្ររងជំនាញការគ្រប់គ្រងធនធានមនុស្សត្រូវបានរៀបចំឡើង ដើម្បីផ្ដល់ឱ្យនិស្សិតនូវសមត្ថភាពជំនាញដូចជា ការប្រកាសជ្រើសរើសបុគ្គលិក មូលដ្ឋានគ្រឹះនៃការលើកទឹកចិត្តបុគ្គលិក ការបណ្ដុះបណ្ដាល និងអភិវឌ្ឍធនធានមនុស្ស ការពិព៌ណនាការងាររបស់បុគ្គលិក ការវិភាគការងារ សន្ដិសុខ និងសុវត្ថិភាពការងារជាដើម។ បន្ទាប់ពីបញ្ចប់ការសិក្សា ជំនាញនេះទៅនិស្សិតមានសមត្ថភាព និងអាចក្លាយទៅជាអ្នកជំនួយការផ្នែកធនធានមនុស្ស បុគ្គលិកផ្នែកធនធានមនុស្ស អ្នករៀបចំឯកសារធនធានមនុស្សសម្រាប់ផែនការធនធានមនុស្ស របស់អង្គភាព។ ក្រៅពីនេះនិស្សិតមានលទ្ធភាព រៀបចំស្ថានភាពផ្ទាល់ខ្លួន ដើម្បីបន្តការសិក្សាថ្នាក់បរិញ្ញាបត្រអប់រំជំនាញការគ្រប់គ្រងធនធានមនុស្ស។

មុខជំនាញផ្សេងៗ

• គ្រប់់គ្រង
• Marketing
• គណនេយ្យ
• ការគ្រប់គ្រងសណ្ឋាគារនិងទេសចរណ៍
• ការគ្រប់គ្រងធនធានមនុស្ស
• ការគ្រប់គ្រងប្រព័ន្ធព័ត៌មាន

មុខវិជ្ជាសិក្សា