សេចក្តីណែនាំ

ដេប៉ាតឺម៉ង់រដ្ឋបាលសាធារណៈ ជាដេប៉ាតឺម៉ង់ដ៏សំខាន់មួយរបស់មហាវិទ្យាល័យ នីតិសាស្រ្ត និងវិទ្យាសាស្រ្តនយោបាយ នៃសាកលវិទ្យាល័យ អាស៊ី អ៊ឺរ៉ុប។ ដេប៉ាតឺម៉ង់នេះ មានដំណើរការភ្លាមបន្ទាប់ពីដាក់ឱ្យប្រើប្រាស់នៅកម្មវិធី សិក្សារបស់មហាវិទ្យាល័យទាំងមូលក្នុងឆ្នាំ២០១៦។ ភារកិច្ចចម្បងរបស់ដេតឺម៉ង់នេះ គឺផ្តល់នៅសេវាបណ្តុះបណ្តាលក្នុងវិស័យរដ្ឋបាលសាធារណៈដល់និសិ្សត មន្រ្តីរាជការ បុគ្គលិកក្រុមហ៊ុន និងអង្គការមិនមែនរដ្ឋាភិបាលជាដើម ដើម្បីឱ្យពួកគេមានសមត្ថភាព ទាំងផ្នែកទ្រឹស្តី ការវិភាគ និងការអនុវត្តប្រកបដោយវិជ្ជាជីវៈ។ គោលដៅចុងក្រោយ គឺរៀបចំមាគ៌ាឱ្យពួកគេក្លាយជាអ្នករដ្ឋបាលដ៏ពូកែ មន្ត្រីរាជការមុខងារធារណៈដ៏ចំណាន ព្រមទាំងអាជីព ដែលប្រើចំណេះដឹង ផ្នែករដ្ឋបាលសាធារណៈជាមូលដ្ឋាន។

ដើម្បីសម្រេចនូវបេសកកម្មរបស់ខ្លួន ដេប៉ាតឺម៉ង់រដ្ឋបាលសាធារណៈ បានសម្រិតសម្រាំងនៅសាស្រ្តាចារ្យដែលមានចំណេះដឹងជ្រៅជ្រះ ផ្នែករដ្ឋបាលសាធារណៈ និងសង្គម ដែលពួកគេទាំងនោះកំពុងប្រកបវិជ្ជាជីវៈ ជាសាស្រ្តាចារ្យអាជីពនៅតាមគ្រឹះស្ថានសិក្សាអប់រំ ជាមន្រ្តីរាជការសាធារណៈ កាន់មុខដំណែងសំខាន់ៗនៅក្នុងស្ថាប័នរដ្ឋ ក៏ដូចជាបុគ្គលិកជាន់ខ្ពស់ ដែលកំពុងបម្រើការនៅតាមក្រុមហ៊ុន និងអង្គការមិនមែនរដ្ឋាភិបាលផងដែរ។

កម្មវិធីសិក្សាដែលរៀបចំដោយដេប៉ាតឺម៉ង់រដ្ឋបាលសាធារណៈនេះ គឺផ្តើមចេញពីការមើលឃើញ នូវភាពចាំបាច់ និងតម្រូវការជាអាទិភាពនានា ក្នុងការចូលរួមអភិវឌ្ឍន៍សង្គមនីតិរដ្ឋ ប្រជាធិបតេយ្យ សិទ្ធិមនុស្ស និងសេដ្ឋកិច្ច ពឹងផ្អែកទៅលើចំណេះដឹង។ កិច្ចការដ៏សំខាន់នេះ គឺបានមកពីការចូលរួមរៀបចំដោយសាស្រ្តាចារ្យជំនាញ និងបុគ្គលិកជាន់ខ្ពស់ ដែលមានបទពិសោធន៍ក្នុងការអភិវឌ្ឍន៍កម្មវិធីអប់រំនៅថ្នាក់ឧត្តមសិក្សា ហើយត្រូវបានសម្រិតសម្រាំង និងធ្វើបច្ចុប្បន្នភាពជាប្រចាំ ដើម្បីស្របទៅតាមនិន្នាការតបន់ និងអន្តរជាតិ។ ជំនាញដែលនិស្សិតទទួលបានពីកម្មវិធីអប់រំនេះ នឹងផ្តល់ឱ្យពួកគេនូវជំនាញផ្នែករដ្ឋបាលសាធារណៈ។

មុខជំនាញផ្សេងៗ

• នីតិសាធារណៈ
• រដ្ឋបាលសាធារណៈ
• វិទ្យាសាស្ត្រនយោបាយនិងទំនាក់ទំនងអន្តរជាតិ

មុខវិជ្ជាសិក្សា