ការិយាល័យរដ្ឋបាល មានបេសកកម្ម រៀបចំផ្នែកការយុទ្ធសាស្ត្រ ០៥ឆ្នាំ និងផែនការសកម្មភាពប្រចាំឆ្នាំរបស់ខ្លួនដោយផ្ដោតលើការគ្រប់គ្រងកិច្ចការរដ្ឋបាល ការទំនាក់ទំនងសាធារណៈ គ្រប់គ្រងនិងរក្សាលិខិតបទដ្ឋាន លិខិតរដ្ឋបាល គ្រប់គ្រងការងារផ្សព្វផ្សាយ និងទីផ្សារ ការងារកីឡា គ្រប់គ្រងការងារសន្តិសុខ និងបរិស្ថាន បម្រើសេវាជួសជុល-កែលម្អសម្ភាររូបវន្ត និងគ្រប់គ្រងការងារអាហារូបករណ៍ ស្របតាមផែនការមេរបស់សាកលវិទ្យាល័យ។ ក្នុងន័យនេះ ការិយាល័យរដ្ឋបាល មានភារកិច្ចដូចខាងក្រោម ៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់សាកលវិទ្យាល័យ
- រៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- រៀបចំ សម្របសម្រួល និងទទួលបន្ទុកកិច្ចការរដ្ឋបាលទូទៅ និងទំនាក់ទំនងសាធារណៈ
- គ្រប់គ្រងនិងរក្សាទុកលិខិតបទដ្ឋាន និងលិខិតរដ្ឋបាលគ្រប់ប្រភេទ
- ទទួលបន្ទុករៀបចំកម្មវិធីបុណ្យជាតិ អន្តរជាតិ កិច្ចការសង្គម ការងារពិធីការទូទៅ និងការងារសរុប
- ទទួលបន្ទុកការងារផ្សព្វផ្សាយ ទីផ្សារ កីឡា និងអាហារូបករណ៍
- ទទួលបន្ទុកការងារសន្តិសុខ សណ្តាប់ធ្នាប់បរិស្ថាន ថែទាំសម្ភារៈ និងជួសជុល
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការ និងបំពេញភារកិច្ចពាក់ព័ន្ធដទៃទៀត ដែលគណៈគ្រប់គ្រងប្រគល់ជូន។
ការិយាល័យរដ្ឋបាល មានរចនាសម្ព័ន្ធដូចខាងក្រោម៖
- ផ្នែករដ្ឋបាល
- ផ្នែកផ្សព្វផ្សាយ និងទីផ្សារ
- ផ្នែកកីឡា
- ផ្នែកសន្តិសុខ និងបរិស្ថាន
- ផ្នែកជួសជុល-កែលម្អសម្ភាររូបវន្ត
- ផ្នែកអាហារូបករណ៍។
ផ្នែករដ្ឋបាល មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងការងាររដ្ឋបាលបែបប្រពៃណី ទៅជារដ្ឋបាលបែបឌីជីថល (Digital administration)និងសម្របសម្រួលឋានានុក្រមការងារជាមួយផ្នែកផ្សេងទៀតរបស់សាកលវិទ្យាល័យ អាស៊ី អឺរ៉ុប
- បង្កើនសមត្ថភាពគ្រប់គ្រង ចាត់ចែង តាមដាន ត្រួតពិនិត្យ និងធ្វើការវាយតម្លៃទាំងក្នុងអង្គភាពសាមី និងអង្គភាពពាក់ព័ន្ធ
- ពង្រឹង និងបណ្តុះបណ្តាលជាប្រចាំទាំងជំនាញទន់ និងជំនាញរឹង ដល់បុគ្គលិកតាមផ្នែកជំនាញ ដើម្បីឱ្យឆ្លើយតបទៅនឹងការរីកចម្រើនឥតឈប់ឈររបស់សង្គមជាតិ និងសកលលោក
- គ្រប់គ្រងនិងតម្កល់ឯកសាររដ្ឋបាល សអអ និងលិខិតបទដ្ឋានផ្សេងៗ
- សម្របសម្រួលចរាចរលិខិតស្នាមផ្សេងៗ និងចែកផ្សាយព័ត៌មានដែលទទួលបានពីក្រសួង ស្ថាប័ននានា
- ទទួលបន្ទុកការងារទំនាក់ទំនងសាធារណៈ និងការងារសង្គមកិច្ច
- បូកសរុបនិងធ្វើរបាយការណ៍សកម្មភាពនានា និងតាមកាលកំណត់(ប្រចាំខែ ឆមាស ប្រចាំឆ្នាំ)
- រៀបចំលិខិតរដ្ឋបាលនិងលិខិតបទដ្ឋានសម្រាប់គ្រប់គ្រងបុគ្គលិក
- រៀបចំស្ថិតិនិងតារាងព័ត៌មានបុគ្គលិក តារាងម៉ោងការងារបុគ្គលិកពេញម៉ោង បុគ្គលិកវេលាការ បុគ្គលិកសាកល្បង និងស្ម័គ្រចិត្ត
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការនិងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
ផ្នែកផ្សព្វផ្សាយ និងទីផ្សារ មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងការងារផ្សព្វផ្សាយ និងជំរុញទាក់ទាញឱ្យនិស្សិតមកទទួលសេវាបណ្តុះបណ្តាល
- តាមដានត្រួតពិនិត្យ វាយតម្លៃ និងលើកជាអនុសាសន៍លើការងារផ្សព្វផ្សាយព័ត៌មាន និងទីផ្សារ
- សហការជាមួយជាមួយផ្នែកពាក់ព័ន្ធ ធ្វើបច្ចុប្បន្នភាពប្រព័ន្ធផ្សព្វផ្សាយរបស់សអអតាមបែបឌីជីថល(Digital Marketing) ដូចជា គេហទំព័រ បណ្តាញផ្សព្វផ្សាយសង្គម ខិត្តប័ណ្ណផ្សាយព័ត៌មាន ជាដើម
- សិក្សារៀបចំផែនការយុទ្ធសាស្ត្រ និងអភិវឌ្ឍន៍ការងារទីផ្សារ ព្រមទាំងបង្កើតព្រឹត្តិការណ៍នានា (វគ្គបណ្ដុះបណ្ដាល សិក្ខាសាលា) របស់សាកលវិទ្យាល័យ អាស៊ី អឺរ៉ុប
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការនិងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
ផ្នែកកីឡា មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងការងារកីឡា
- រៀបចំប្រតិភូកីឡា និងក្រុមកីឡាករ កីឡាការនី ចូលរួមប្រកួតពានរង្វាន់កម្រិតសាកលវិទ្យាល័យ កម្រិតជាតិ និងកម្រិតអន្តរជាតិ
- រៀបចំកន្លែងហ្វឹកហាត់ និងសម្ភារៈហ្វឹកហាត់ទៅតាមវិញ្ញាសាដែលមាន
- ជំរុញការអភិវឌ្ឍសកម្មភាពកីឡារបស់សាកលវិទ្យាល័យឱ្យកាន់តែមានភាពល្បីល្បាញ
- ជំរុញលើកទឹកចិត្តនិស្សិតឱ្យមានការចូលរួមគាំទ្រ និងចូលរួមប្រកួតប្រជែងលើវិញ្ញាសានានា ដែលរៀបចំដោយកម្រិតសាកលវិទ្យាល័យ កម្រិតជាតិ ឬកម្រិតអន្តរជាតិ
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការនិងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
ផ្នែកសន្តិសុខ និងបរិស្ថាន មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងប្រព័ន្ធសន្តិសុខទាំងមូល រួមមាន ទីតាំងតាមចំណត បន្ទប់ការិយាល័យ បរិវេណ និងការអនុញ្ញាតចេញ-ចូល
- រៀបចំសណ្តាប់ធ្នាប់ផ្ទៃក្នុងអគារ និងសោភណ្ឌភាពពីខាងក្រៅ រួមមាន ថ្នាក់រៀន ស្លាកព័ត៌មាន ផែនទីបង្ហាញតាមជាន់អគារ ចំណតកង់ ម៉ូតូ រថយន្ត ជាដើម
- សម្របសម្រួលចរាចរណ៍នៅម៉ោងចេញ-ចូលរៀន ពេលសន្និសីទ និងព្រឹត្តិការណ៍ធំៗជាដើម
- គ្រប់គ្រងឧបករណ៍ សម្ភារៈ និងស្នើកំណត់ឯកសណ្ឋាន
- រៀបចំការងារអនាម័យនិងបរិស្ថានល្អស្អាត សម្អាតជាប្រចាំនៅតាមបន្ទប់រៀន បន្ទប់ការិយាល័យ សាលប្រជុំ សាលសន្និសីទ ទីធ្លាច្រកចេញ-ចូល បន្ទប់ទឹក និងបរិវេណទាំងមូល និងទីកន្លែងផ្សេងៗទៀត
- តាមដានត្រួតពិនិត្យបុគ្គលិកសំអាតជាប្រចាំ និងរៀបចំផែនការអនាម័យប្រចាំថ្ងៃ
- បង្កើនរុក្ខជាតិបៃតង នៅបរិវេណសាកលវិទ្យាល័យទាំងមូល
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការនិងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
ផ្នែកជួសជុល-កែលម្អសម្ភារៈរូបវន្ត មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងការងាររោងជាង និងបន្ទប់ស្តុកសម្ភារៈជួសជុល ឬគ្រឿងបន្លាស់
- គ្រប់គ្រងម៉ាស៊ីនភ្លើង ប្រព័ន្ធអគ្គិសនី និងបណ្តាញអេឡិចត្រូនិក
- ជួសជុលកែលម្អ និងថែទាំអគារ ថ្នាក់រៀន តុ ក្តារខៀន ភ្លើងបំភ្លឺ ប្រព័ន្ធភ្លើង ប្រព័ន្ធលូបង្ហូរទឹក ជាដើម
- រៀបចំកម្មវិធីហ្វឹកហាត់ការពារអគ្គិសនី ជម្លៀសពីគ្រោះថ្នាក់ផ្សេងៗនៅសាកលវិទ្យាល័យ
- ប្រកាសព័ត៌មាន ឬដាក់ស្លាកសញ្ញាហាមឃាត់ ឬកំណត់ចំណុចគ្រោះថ្នាក់នានា ដែលអាចបង្កហានីភ័យ ដល់បុគ្គលិក សាស្រ្តាចារ្យ ឬនិស្សិត
- រៀបចំផែនការ និងតាមដានត្រួតពិនិត្យការជួសជុល ថែទាំ និងកែលម្អជាប្រចាំ
- ទទួលខុសត្រូវលើការងារគ្រប់គ្រងអន្តេវាសិកដ្ឋាននិស្សិត
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការ និងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
ផ្នែកអាហារូបករណ៍ មានភារកិច្ចដូចខាងក្រោម៖
- សហការរៀបចំផែនការយុទ្ធសាស្រ្ត និងផែនការសកម្មភាពរបស់ការិយាល័យសាមី
- គ្រប់គ្រងស្ថិតិ ព័ត៌មាន និងផែនការអាហារូបករណ៍និស្សិតប្រចាំឆ្នាំ
- រៀបចំសំណុំឯកសារពាក់ព័ន្ធអាហារូបករណ៍ជាមួយសា្ថប័ននានា
- សហការតាមដាន និងជូនព័ត៌មានពាក់ព័ន្ធផ្សេងៗដល់និស្សិតអាហារូបករណ៍
- វាយតម្លៃ និងធ្វើរបាយការណ៍ជូនម្ចាស់អាហារូបករណ៍
- ប្រជុំ ធ្វើរបាយការណ៍អំពីសកម្មភាពនិងលទ្ធផលការងារជាប្រចាំ
- សហការនិងបំពេញភារកិច្ចពាក់ព័ន្ធដទៃទៀត ដែលប្រធានការិយាល័យប្រគល់ជូន។
