density_small
search
មហាវិទ្យាល័យសិល្បៈ មនុស្សសាស្រ្ត និងភាសាបរទេស គឺជាមហាវិទ្យាល័យមួយក្នុងចំណោមមហាវិទ្យាល័យសំខាន់ៗដទៃទៀត របស់សាកលវិទ្យាល័យអាស៊ី អឺរ៉ុប។ មហាវិទ្យាល័យ សិល្បៈ មនុស្សសាស្រ្ត និងភាសាបរទេស ត្រូវបានបែងចែកជា បីដេប៉ាតឺម៉ង់៖ ដេប៉ាតឺម៉ង់ភាសាអង់គ្លេស (Department of English) ដេប៉ាតឺម៉ង់ទំនាក់ទំនងអន្តរជាតិ (Department of International Relations) និងដេប៉ាតឺម៉ង់ភាសាចិន (Department of Chinese)។ រាល់កម្មវិធីសិក្សាទាំងអស់ ត្រូវបានរៀបចំឡើង ក្នុងគោលបំណងឆ្លើយតបទៅនឹង តម្រូវការទីផ្សារការងារនាពេលបច្ចុប្បន្ន។ មហាវិទ្យាល័យសិល្បៈ មនុស្សសាស្រ្ត និងភាសាបរទេស បាននឹងកំពុងផ្តល់ឱ្យនិស្សិតនូវបរិបទសិក្សាវិជ្ជមាន នៃកម្មវិធីសិក្សាភាសាបរទេសដ៍ពេញនិយមកម្រិតខ្ពស់ ដែលក្នុងនោះមានការរៀបចំផ្តល់ឱកាស ឱ្យនិស្សិតមានប្រកួតប្រជែងលើជំនាញភាសានីមួយៗ បំផុសឱ្យនិស្សិតរៀន បងើ្កតគំនិតថ្មីៗនិងមានការបង្ហាត់បង្រៀនជំនាញបង្រៀនភាសាព្រមទាំងចុះកម្មសិក្សាផ្ទាល់លើជំនាញនីមួយៗ
មហាវិទ្យាល័យសិល្បៈ មនុស្សសាស្រ្ត និងភាសាបរទេស កំណត់ទិសដៅនៃបេសកកម្មរបស់ខ្លួន ក្នុងការអភិវឌ្ឍន៍និងបណ្តុះបណ្តាលឱ្យមានប្រសិទ្ធភាព នូវភាសាបរទេស និងជំនាញដែលពាក់ព័ន្ធនឹងភាសាបរទេស ដែលក្នុងនោះរួមមាន ជំនាញភាសាអង់គ្លេស ជំនាញទំនាក់ទំនងអន្តរជាតិ ជំនាញអក្សរសាស្រ្តចិន និងជំនាញភាសាចិនសម្រាប់អាជីវកម្ម ដល់និស្សិត ចេះជំនាញពិតប្រាកដ ស្របតាមតម្រូវការទីផ្សារការងារ។
ដើម្បីធានាបានការអប់រំប្រកបដោយគុណភាព និងបំពេញតម្រូវការរបស់និស្សិត មហាវិទ្យាល័យសិល្បៈ មនុស្សសាស្រ្ត និងភាសាបរទេស បានរៀបចំយន្តការរបស់ខ្លួនក្នុងការជំរុញការបង្រៀនរបស់សាស្រ្តាចារ្យ និងរៀនរបស់និស្សិតឱ្យមានប្រសិទ្ធភាព។ ការលើកទឹកចិត្តនិស្សិតឱ្យយល់ដឹងពីវិធីអភិវឌ្ឍសមត្ថភាពនៃការគិតប្រកបដោយហេតុផល និងភាពជោគជ័យក្នុងការដោះស្រាយបញ្ហា គឺជាឧទាហរណ៍នៃយន្តការរបស់មហាវិទ្យាល័យ ក្នុងការជំរុញការសិក្សា។ ប្រកបដោយបរិយាបន្ន មហាវិទ្យាល័យបានលើកកម្ពស់រាល់កិច្ចការស្រាវជ្រាវដែលអាចធ្វើទៅបានដោយចាប់ផ្តើមពីឆ្នាំសិក្សាដំបូងៗ និងការអភិវឌ្ឍន៍សមត្ថភាពបន្ថែមដល់សាស្រ្តាចារ្យ និងនិស្សិត តាមរយៈការចូលរួមកម្មវិធីបណ្តុះបណ្តាលវិជ្ជាជីវៈ និងជំនាញពាក់ព័ន្ធផ្សេងៗទៀត ។
ជម្រុញ និងលើកកម្ពស់គុណភាពនៃការសិក្សា ជំនាញវិជ្ជាជីវៈ និងក្រមសីលធម៌របស់និស្សិត
ដោយឈរលើគោលការណ៍បណ្តុះបណ្តាលនៃផែនការយុទ្ធសាស្រ្ត០៥ឆ្នាំ មហាវិទ្យាល័យ សិល្បៈ មនុស្សសាស្រ្ត និងភាសាបរទេស មានគោលដៅដូចខាងក្រោម :
